I pi-le-puteu in thusim a ana zak uh, duhthusam a ana sam sek uh Delhi khuopi sung ahin 1990 vel apatin ina pemlut pan ua, Ganggam khuo thak sat in mimal tawmcha ana cheng pan ui. Amapui ding i um nak le chuh anungzui ding ahung um pai a, Delhi a nek-hawl, thiamin le vang-en i hung tam deuhdeuh phet un, 1996 vela mi 50-60 vel i hung tin tak nungun kilawihkhawmna neih pawimawh sakna ahung um pan a, GSO, Delhi phuh ahih nungin amau makaihna nuoi ah 13th October 1996 (Second Sunday) in Pathien Ho kikhawpkhawmna Pu L Holkhomang Mate Inah neih pat ana hi. Khuti chun 1996-98 sung cheng chuh GSO makaihna nuoi ah ‘Unau Fellowship’ tih minpuo’n thakhat le khatvei, Second Sunday cheng leh lawiupa khat Inah Pathien Ho khawmna neih sek ana hi.

Lawiupate kilungguolna dungzuiin October 1998 akipatin Pathien Ho kikhawpna chuh GSO makaihna nuoi a neih hitalo in Fellowship chuoma neih ahung hi tai. A kilawihkhawmna min thak ‘Gangte Christian Fellowship, Delhi’ nuoi a chun 19th April, 1998 in Delhi Bible Church, Green Park ah kikhawpna masapen neih ahi a, Pu Lalchuangliana, Executive Director, CONCERN in latna anei hi. Tunitieng in Gangte cha Delhi a sepna nei, thiemzil leh khuolzin chengin Pathien mina kilawihkhawmna a i neih chuh ahi.

GCF, Delhi kipat tung apata mawhpuokna hun puoto haw chuh anuoia bang hih ahi:

GCF, Delhi chanchin a kalbi pawimawh haw :

GCF, Delhi makai ding election masapen – July 5, 1998 at Dr. Khailam Mate In, F/2 Doctors’ Flats, Moti Bagh.

GCF, Delhi Dan le Muol (Bye-law) neihpatni – October 14, 2001

GCF, Delhi nuoia Seminar masapen (Social Development & Christian Life) – October 12, 2002

Paper le resource persons haw:            Prof. L.Raghavan – Career Options for the Youth of 21st Century

Pu S.Benjamin – Church & Discipleship

Dr. Khailam Mate – Effective Social Organisation

Tv. Wilson S. Gangte – Praise & Worship.

(Zie a chunga GCF, Delhi chungchang kizik haw hih Tv. Gin Gangte, Secy. Publication (2002-2003) in kumtawp report apiekna apat kila ahi.)

Kikhawpna mun haw :

Zie a chunga kikhawpna mun haw hih Tv. Robin Gangte personal record apat kila ahi.

GANGTE CHRISTIAN FELLOWSHIP, DELHI

DAN-LE-MUOL

(Bye-law)

Namdetni : 14th October, 2001

Gangte Christian Fellowship, Delhi

Namdetna:

“Kei uh, GCF(D) member changing GCF(D) thiltup le ngim tissue ahih theihna ding leh kipawlkhawmna a lamzang taka machawn ahih theihna dingin, tuni October 14, 2001 (Pathienni) hin zie GCF(D) ‘dan-le-muol’ (Bye-law) hih ka zuih ding un lungkiguol takin ka namdet ui.”

1. Tup le ngim

GCF(D) thiltup le ngim haw chuh anuoi a bang hih ahi:

Delhi khawpi sunga umte’n eimah pau ngeia Pathien i ho ua, Amah i pahchak theihna dingua hun le mun lemchang guon

GCF(D) member cheng i sakhuo kisinsakna apata i petmang loh ua, Krista batna lama i seilet theihna dingua Bible thu a kisinsakna neih.

Ho le Biek khat, Chikhat-namkhat i hihna banga i kilainat tuoh chiet ua, sietni-phatni a ki-enkawl tuoh a, puokgik kidawnzang tuoh theihna dinga Pathien mina kipawlkhawm.

2. Sapchuom kizawppih neilo:

Sapchuom leh gindan chuom chiet nei a umte’n lungawpkaihna neilo a I kipawlkhawm theihna dinguh deihna’n GCF(D) hin Sapchuom kizawppih ahim pawm chuom a nei puoi. Mi amah hung kipatna Sapchuom in dan sunga uma angaih chuh khutibang taka chuh pawm ahi a, a kipatna Sapchuom in dan pawa a nawhsuoh chuh dan pawlam a um guola ngaih ahi.

3. Membership

Mi kuole Delhi a cheng / um, Christian sakhuo zuiin GCF(D) kipawlkhawmna laka tel a nawp chun GCF(D) member hi thei ina. Membership fee a um puo a, ahin, a theihchina Pathien mina I kipawlkhawmna haw a hung tel chiet guot ding ahi.

Pathien thu le la a kipawlkhawmna Pathienni cheng leh neih hin tin, a hun le a mun, kimatchak dingdan chuh Executive Committee khutah um ina.

Pathien thu le la a kipawlkhawmna Pathienni cheng leh neih hin tin, a hun le a mun, kimatchak dingdan chuh Executive Committee khutah um iina.

Kutni dinga kilawm eg. Advent Christmas, Christmas, Kumlui le Kumthak, Palm Sunday, Good Friday, Easter Sunday, Pentecost, etc. haw le setchuom a umloh chun Executive Committee mawhpuokna hina.

Kum cheng leh a nuoia ni pawimawh haw hi mat hina:

i)   October Pathienni 2na- GCF(D) Day –          Neksik chawihkhawm ding

ii)   October 15 apat November 15            -           Filing of Nomination Papers

iii) November Pathienni tawpna       -      Election-cum-Advent Christmas

iv) February 2nd Last Sunday -        Audit

v)  February Last Sunday -     Handing/taking charge of Old & New Executive Committee

vi)  August Pathienni 2na     -       Freshers’ Welcome

d. Sietni-phatni a ki-uoptuoh dingdan chuh GWA(D) te tawh kithu hettuohin amau malakna nuoia guon hina.

e. Executive Committee’n pawimawh a sak dungzuiin programme leh nasepding eg. Crusade, Seminar etc. Fellowship dang te tawh kithuoh ahim, a chuom mawngin guong thei ina.

Election Rules & Regulations

1. Election neih ding hun:

Election hih kum chengin November tha a Pathienni nunungpen nileh Advent Christmas tawh neihkhawm ding ahi.

2. Executive member thei dingte:

a) GCF(D) member kum 15 apat chunglam cheng Executive member dingin candidate lakah pangthei ina.

b) Sapchuom dan paw a um chuh Executive Committee ah pang thei puona.

3. Executive Committee ding zat:

a. Executive Committee hih member 7 (sagih) Committee hiding ahi.

b. A portfolio ding haw chuh teldawk a umte phasak dandan hina.

4. Election neih ding dan:

GCF(D) member lo chun vote nei thei puona.

Election hih secret ballot paper a neih hintin, apun a member ding zat tel hina.

Election a ki candidate nuom te a dingin October 2nd Sunday a kipatin nomination form lak theih hintin, zie form chuh bangkim ziklut zawh sa’n November 2nd Sunday chanin pieklut theih ina.

November 2nd Sunday chan a nomination hung kipielut umlo ahim ahihloh leh mi 7 sanga tawmzaw’n nomination a pieklut u chun, Executive Committee ten mi 15 tieng pha asak sak uh nominate bawl thei unau. Zie hi nomination kibawlsa haw tawh sim khawm hina.

Executive Committee ten nominate abawl cheng chuh Election Committee ten election ding ni masang kal khat ma beka ahetsak ding uh ahi.

Executive Committee ten nominate abawl cheng uh hih, ahihtheihlohna ding aneih u chun, election ding ni leh Election Committee te leh mipi hungkhawm te masang ah ngaihtuoh khawm hintin, mipi hungkhawmte ngaihdan dan pawm hina.

Kuo’nle Election ni a nominate beh nuom aneih chun, nominate beh theih hintin, ahinla, a ki nominate thak him him chuh mi nih bekin a dinpih ding uh ahi.

Election ni a umlo chuh proposed thak theih hi puona. Ahinla, election ni ding ma a nominate bawlsa cheng chuh election ni a aum le a umloh in bangmah thu puo puona.

5. Election Committee

a) Election chungchang a mawhpuo dingin Executive Committee in pha a sak dan dan un Election Committee ding guot thei un au.

Financial Rules

1. Sum muhna haw:

a. Fellowship etkawlna ding leh a pawimawhna a GCF(D) matchak dingin a nuoi a kizik haw dan hin sum-le-pai hawl / muhna nei in vawp hina:

i.  Pathienni kikhawpna a tuoklawm

ii. Mimal / inkuon apata Sawm-a-khat

iii. Mimal / inkuon apata kipahthu genna tuoklawm / thilpiek him him

b. Zie khel a  hin a pawimawh dungzui leh Executive Committee thupukna dungzuiin Sum dawl/ hawl/ veipun dan ding siem leh guon hin tin, ahin Executive Committee thu loin kuomah mimal ahim, pawl ahim in GCF(D) min mangin sum dawl / hawl thei puonau.

2.  Sumkawl dingdan – alut leh apawt ding dan:

Fellowship sum hih atawm-atam genlohin Treasurer khut ah lut in pawt ina. Sum hunglut cheng chuh Treasurer in Cash Book ah ziklut intin, Sawm-a-khat ahih chun Receipt le pien a. A kimat dawkna chuh Cash Memo / Actual Payment Receipt (APR) la’n Receipt file ah kawih intin, Cash Book ah ziklut ina.

Sum mat ding dan haw:

Fellowship sum him him hih atam-atawm genlohin Executive Committee phalna loha mat phat ahi puoi

Sum kimatna him him Cash Memo lak chiet ding ahia, zie chuh a sum mangdawktu mawhpuok hina. Bang ahim tia Cash Memo lak theihloh hielna a um leh, a sum mangdawktu hin APR a ziklutin a suoi kai intin, zie chuh Cash Memo thasanga mat hina.

Sum mat ding zat hatchet masanga sum piekdawk ngai ahih chun, treasurer in temporary record a ziklut intin, a sum matzat a kichet phat leh / Cash Memo a um tiengleh Cash Book ah ziklut ina.

GCF(D) sum hih a tampenin Rs. 5000/- (Cheng sangnga) tieng chauh Treasurer khutah kawih hintin, a val a umleh a sang tinga Bank a Fixed Deposit a kawih hina.

GCF(D) sum hih mimal kawmah palaksak phal ahi puoi.

4.  Audit :

a. GCF(D) sum hih kum cheng leh khatvei bek Audit bawl hi’n tin, zie chuh February thasunga Pathienni nunungpen bana (Second Last Sunday) leh hi’na.

b.  Executive Committee thupukna dungzuiin / mipite deihna ziekin / auditorte’n pawimawh asak dungzui un bangtik hun inle audit bawl theih ina.

c.  Auditorte’n thumawp a piek him him u chuh atheihchan a zuih kim guot ding ahi a, zuih theihloh a um khak chun a hihtheihlohna ziek mipi kawma hetsak ding ahi.

d.  Auditor dingin a tawmpen in mithum Executive Committee’n guot untin, guot kawm a umloh / Committee’n pha asak chun a luite mah set sek hi’na.

General Rules & Regulations

1.  Executive Committee :

a.   Executive Committee meeting him him hih Executive member laka seh-thum suoh seh-nih sanga tawmzaw’n neih theih hi puona. Chun, meeting na chengah Chairman / Secretary khat zawk zawk bek a tel ding ahi.

b.   Seh-thum suoh seh-nih ahin a laklawh (decimal) a um chun ngaihthah hina.

c.   Executive Committee thupukna tih hih meeting a tel Executive member tamzaw ngaihdan / deihdan hiding ahi.

2.  Executive Committee member lakbeh le Sub-Committee chungchang:

Executive Committee’n pawimawh asak dungzuiin member ding lakbeh thei intin, sub-Committee le guong thei ina.

Executive Committee luite mawhpuokna chan:

Executive Committee luite leh a thakten kikhutsanna a neih masang chengun a luite mawhpuokna hizing nalai ina.

4.  Executive Committee’n sum amat theih ding zat:

GCF(D) sum hih cheng sang sawm (Rs. 10,000/-) chunglam matna ding a um chun, mipi ngaihdan lak masak ding ahi.

5.  GCF(D) vanneih chungchang:

a.  GCF(D) property haw hih Secretary-in-charge tawh Chairman / Secretary phalna umlo in khelh phal ahi puoi.

b.   Secretary-in-charge tawh Chairman / Secretary hetpih loh a van kimang / kikheldawk a um a, aki mukit lo / asie a um chun a piedawk tu’n amawh a puok ding ahi.

c.  Dan dungzui taka van kikhel asie / amang a um chun a khelte’n avan thaklaia aman kimkhat lieu unau.

d.  GCF(D) van mang a um chun Secretary-in-charge mawhpuok hi’na.

6.  GCF(D) dan le muol then ding dan:

Zie dan-le-muol (rules and regulations) kisiem hih then / beh / paihkhen ngai a um chunExecutive Committee member laka sehthum suoh sehnih phasak in thupukna nei untin, mipi samkhawmin sehthum suoh sehnih mah phasakna’n then / beh /paihkhen theih hina.