hey ganggam te idam2 nau moGWA, D te hetsakna leh ngetna
Posted by benj on July 5, 2010 , Print , Email , CommentDB-100 F, DDA Flats, Hari Nagar, New Delhi – 110 064
Dated July 4, 2010.
Pathien thu a kisinsakdan (doctrine) chuom chuom, khuotang kivaipuokdan kibanglo taktak leh gamkaih chuomchuom a kipata hung kipan a Delhi leh a sehvel a hung chengkhawm kihi mahleh, Delhi a Gangte society a um tung a kipat tunitienga lamchenga pumkhat taka ana ki um theihna ziek leh thukhata akiluonkhawm theihna ziek chuh I culture leh I custom dungzuia Delhi a Gangte mipi umkhawm chengin lung kituok taka kivaipuokna dinga aphasak / akisiem uh pawl (organization) nuoi a aki um ziek ahi. Tulai taka Delhi a Gangte mipi umte’n lung kiguol taka kivaipuok nadinga a phasak u organization chuh Gangte Welfare Association, Delhi (GWA,D), Gangte Christian Fellowship, Delhi (GCF,D) leh Gangte Welfare Association – Youth Wing (GWA-YW) haw hih ahiu hi. Zie pawlpi thumte hin a deih leh a tuppen u chuh Gangte sung kituok dieldiela umkhawm hih ahi zing a, I namsunga kipumkhatna hih theihtawpin humbit guo zing ina.
Vangsiethuoi takin, tukum bul vel akipat khan ngaihdan chuomchuom ahung lut pan a, Delhi a Gangte kituok taka kipun khawmna achunga kigen organization thumte deihkhawp loin pawl chuom phut dawk ahung um tau. Khuti tawbanga thil hung um hih Delhi a um Gangte mipite’n a lemsakloh zieu a phuondawk nung un, GWA, GCF leh GWA-YW in a lemsak lohna thu a phuon chauh hilo in ana theih pen in adem ua chun zie tawbang thil hung ngaihtuoh haw hih kipumkhatna deihlo a Delhi a Gangte umkhawm te khenzak guo a ngaih ahiu. Ki pumkhatna siet ding deihloh ziek leh a phattheihna dingu ahih khakleh ti’n zaidawh takin zawlthawh leh a kisikna thu / a thil bawl uh ahaih san na ding u thu zik thawh/kam a genthawhna hun lemchang siemsak ahiu a, zie tienga chuh hung kisutlo khenkhat a um naklai ziekun, hilhlawkna a kineih dungzuiin zie tawbang pawl chuom hung phutdawk te chunga anuoia bang hin thu tan khumna aki nei hi:
i) Pawlchuom a phuhdawk u haihsan nadingu thu aki muloh ziek leh pawlchuom phutdawk ahihna dungzui un, amau haw hih Delhi Gangte pawlpi thumte member hi ut talo a ngaih ahiu a, zieziekchun, Delhi Gangte pawlpi thumte a kipat hin a member hihnau a amau leh amau kipaih /kihaihsak a ngaih ahi tau hi.
ii) Zie pawlpi thumte a member ahih takloh ding dungzui un, sietni-phatni ah amau haw chung ahin pawlpi thumte hin bangmah mawhpuokna nei /la puonau.”
Delhi leh a sehvel hih Gangte society kikhenna umlo a, pumkhata I umna sun uh ahih ziekin, zie kipumkhatna hih kuo cheng inle I ngaihsan ua I kipahpih chiet uh ginchak a um hi. Zieziekchun, bangtik hun lai inle zie kipumkhatna khenzak ding zawng/subuoi thei ding ngaihtuohna/lunggel hung neilo dingin Gangte lawiupa leh mipi chengcheng ka hun hetsak ua, na panpihnau ka hun ngen ui. I nam phatna ding leh khantohna theih lampi chenga ma la leh nungzui zing thei dingin Delhi Gangte society hih I theihdan chiet ua sukhat beh dingin pangkawm chiet hitiu..
