hey ganggam te idam2 nau moManipur Express March 22, 2009
Posted by particle on March 22, 2009 , Print , Email , CommentSUNNA
Rev.Laltluanga (94) f/o Thangziki (& Pi Zakimi w/o Pu Khaikholal) of Teddim Road, tuni sunnung dak 1 vel in teknat in athi a, March 22, 2009 leh vuih hi ding ahi.
BSEM nuoi a Class X exam lai 1 tui a kielum
Lamka, March 21: Demzalam @ Dedem (18) s/o Lienzahao Kipgen of Tuibuong, Kipgen veng tuni’n a lawite tawh Kipgen veng area a tui haksat ziek in zinglam dak 11 vel ding in puonsawp ding leh kisil kawm ding in Saidan leisak a tuithalui a va zuon uhi. Dedem leh alawite’n a puonsawp cheng uh a zawh un tuithalui ah a kisil uh a, zie lai chun vangsiethuoitak in Dedem chuh a lithukna lam ah a hiptu um bangmai in a va lutkha a, a lawite’ kieng ah ‘ei panpih un’ ti’n a kikou a, alawite’n le hukdawk guo mah leu haksa sa mahmah in, khaw kim khawkieng ah thangko ding in a ki sawl ua, Saidan leh mun chuomchuom apat nungak-tangval leh a thu zakha cheng in a hun delh ngal ua, tui apat Dedem chuh va lakdawk in, a hinna huk theihna ding in nasatakin pan a lau hi ti’n a kigen hi.
Sunnung dak 12 vel ding in district hospital casualty tut a hi a, doctor leh nurse ten theihtawp a suoh mahleu lamkal ah Dedem chuh ana thi man ta hidanin a kigen hi. Manipur Express in Dedem hukdawk dinga kuonte lak ah dotna bawlin “guoh la zulo, tuitha ala tui tawm mahmah a, bangtidan a tuitha a kielum tih um thei ahim?” a tih uleh mi khat in “Mr Dedem kiekna mun hin vangsiet a huoi mahmah a, a li a thuk mahmah in, ft 20 bang val zo ding ahi a, mi bangzat ahim in zie mun ahin vangsietna ana tuok tau hi” atii.
Mr Dedem hih tuchung a Board of Secondary Education, Manipur saina a HSLC/Class X exam chiehtha lai ah candidate a hi a, Logos school, Tuibuong a kai in lehkhathiem thei mahmah hi’n a kigen hi. A nulepa te hih nichenga nekkawm hawl a kilawh ahiu a, a chapau chung ah kinepna lientak nei ahihdan uh a gen ui. Dedem in a inkuote kieng ah Seppatni, March 23 a pawl X exam zoding ahihdan leh, exam zawh kal a ngaklah thu ana gen a, result suok zawhtieng a college kaihna ding a alunggel nasan ana gen man danin a kigen a, a pa le nasem a kilawh a umlai ava pui ua, a pa’n “Bawi, bangti na hi, hung tho ta, na thugen-haw bang ti ding ahita? Ka kinepna na hi” ti’n a chapa a kahcham hi.
Pearsonmun ah ‘tang’ natna hi leng
Lamka, March 21: Kalkhat vel masang akipat khan Pearsonmun khuo ah ‘tang’ (chicken pox) natna ‘hi’ leng in naupang tamtak a damloh lawh ui ti’n a kigen hi. Pearsonmun a um M.Pumkhozam in cha 5 a nei a, zielaka Mr. Thanglianmang (13), Ginzamuan (11), Biaksang (8) leh Nemlianvung (6) te chun Tang natna hih avei ui. Thusuok kizak dan in, unau mi 4 te KD Agape school, Pearsonmun a school kai ahiu a, school apat tang natna hung kikaihsawn hi’n a kigen a, khawsung ah naupang tamtak in tang’ natna avei ui ti’n mi muonumtak apat thusuok a kizai. Pearsonmun a naupang tang’ natna vei te Medicins Sans Frontier (MSF) te’n a enkawl ua, damdawi le athawn in apieu hi ti’n damlote apat thu zah ahi.
Mizoram ah grenade 5 mandawk
Aizawl, March 21: CID(Special branch), Bongkon Police leh BSF combine force ten tu zingkal dak 4 in Zemabawk Forest check gate ah Champhai apat Aizawl zuon night bus MZ -01/ D 1484 a check uleh, Mr Kap Khen Pau khut apat Hand grenade 5 a mudawk ui. Mr Pau ahihleh, Thuampui, Aizawl a khawsa ahi a, Champhai Kanan veng a C Zachhung apat hand grenade chuh alak hidanin akipuong hi. Kap Khen Pau hih Aizawl a aum na a sawt nai puo a, Myanmar apat hung kipan hidanin agen ui.
Liemna tuok 2 Hospital ah etkawl in um
Sangmuan (30) s/o Khamnun of Sinzawl, March 16, nitak dak 10 vel in akhuou ah mi 2 tawh kina buoi in amit chung veilam khetliem sak in a um a, Dist Hospital ah etkawl in a um hi. Lamzahat (45) w/o (late) Khamzathang of HQ Veng, tuni sunnung in Chiengkon-lui a tuikhaih guo lai a kipuk a, amit chung changlam a tatliem a, Doctor te’n mun 4 ah a khuisak ua Dist Hospital ah etkawl in a um hi.
Trg ding te’n photo passport chawih ngai
Lok Sabha election um ding tawh kisai in Polling personnel te’n March 23, 2009 in SDO te’ makaihna’n EVM training pan ding ahiu a, Identity card a ding in photo passport 2 chiet EVM training ding te’n chawih ngai hi’n thusuok a kizai.
IFCD official te’n Khuga Dam entha
S.D Gangte, Chief Engineer/ IFCD, N.Karunacharya Singh, Suptt Engineer/ Khuga Project leh IFCD official huntieng in tuni zinglam dak 10 vel in Lamka a hungphau a, Khuga Dam nasepna entha’n Saidan apat Khuga main right side canal etthakna anei ui ti’n a kigen hi.
UNLF cadre khat kaplup a um
Imphal, March 21: Thangni nitaklam dak 7:50 vel ding in 29th AR te’n Tengnoupal Police station huopsung a um Yaingangpokpi Lokchao village ah UNLF cadre pvt Boboi Singh @ Khumdaba kiti a kaplum ua, amah apat 9 mm pistol 1, achang 6 leh meichang kapdawkna hawm 10 amudawk ui tih thu a kizai. Chun, security force te’n Boboi Singh apat mahin diary khat a mudawk ua, ziechun UNLF 241 battalion te’ chanchin chientak in a kizik hi ti’n a kigen hi.
Gambhir shopping complex ah Rs 5 lakh val kigudawk
Imphal, March 21: Police apat thusuok kimuhdan in, thangnitak in galvan chawi mi 5 vel Bir Tikendrajit Road a Gambhir Shopping complex ava luh ua, zie chun dawr nih apat Rs 5 lakhs val a puodawk ui tih thu a kizai. Police ten agendan un, nitak dak 12 vel ding in mi 5 te hin security guard um chuh a gunpoint uh a, gate a hawnsak ua, Gambhir complex sung a pharmacy nih “Singh & Medical hall” leh “International departmental store” kawtpi a chabi/tala kikhai chuh a khensieu a, a sung a sum kikawih Rs 5 lakhs val chuh puodawk in a taimang ui ti’n agen ui.
Curfew thahkawl hunsung ding behlap nalai
Imphal, March-21: Imphal West district sunga Greater Imphal leh Imphal East district sung a Curfew um District Magistrate gelin March 21,2009 chan zingkal dak 4.00 akipat in nitak dak 8.00 chan thahkawl hiding ahi ti’n March 16,2009 in a puong ua, tuni’n District Magistrate 2 te’n March 22 & 23, 2009 in le zingkal dak 4.00 akipat in nitak dak 8.00 chan dakkal 16 sung thahkawl(relax) hiding in thupuon abawl ui.
Ganggam.com in regular news paper nei kimahleh, news item ding, Manipur Express news item gangte pau ngei a leh dawk a baihlam tak a suohtheih ding a phal a um hi kipah a um takzet hi.
Saichang khawphat lai hi a page chuom in um thei leh ut um e…. Gamdang a pan I sim leh Nuihzat la a um in Lunghel tawh…
Siesiem Bankok