KZP saina in Rayburn School ah concert thupitak om
Lamka, Jan 28: Khangthah Zuun Pawl(KZP) Golden Jubilee Committee saina in tuni January 28,2010 nitaklam dak 7.00 apan in Rayburn high school, New Lamka ah Concert thupitak om a, Mizoram apan lasiam(arists) hunkhop in hunzang uhi.

Concert hun ah Lamka leh asehvel apan mipi 15,000 vel in program uap ua, concert tawh kisai a Lamka khangthu ah mipi tamna pen ahilai diam chih theihphial in om chi uhi. Mizoram a lasiam minthang mahmah ngen Mimi Renthlei, Mami Varte, Zomuanpuii, Lawmi Khiangte, C. Sanga, H.C Sanglura leh lasiam telkhiak khenkhatin lasak na nei ua, musician PB Lianhming in music abawlte khangthakte’ ngaihtuahna tawh kituak mahmah in mipi sulim zou mahmah chi uhi.

Santing khua ah YMA Manipur Group khawmpi pailel
Lamka, Jan 28: Young Mizo Association, Manipur Group kumsim khawmpi 25 veina Santing khua (Henglep Sub Division) ah zan nitak in kipan a, tuni in a nipini zat in om hi. Hiai hun ah, khawmpi thupi ding in ‘Khawtlang Nun siamthat’ kichi zang ua, mipi 4000 vel paikhawm uh hi’n kigen hi.

Tuni in Mizoram Art & Culture, Transport, Printing & Stationery Minister Zoramsangliana in khuallian hihna tawh uap a, T Manga Vaiphei, MLA (Chairman MTDC) banah Ms Jacintha Lazarus IAS DC/CCpur te’n functional president leh guest of honour hihna tawh uap uhi. YMA/Saichang Branch te’n special item nuamtak mai zang ua, YMA Santing Branch te’n tualsuak la nalhtak mai in mipi paikhawmte vaidawn uhi. Hmar Youth Association, Zomi Youth Association leh Kuki Khanglai Lompi makaite’n leng hiai program uap in, thugen hun saulou chiat zang uhi.

Zingchiang Jan 29, 2010 in Nungak Laltanpuii MCS, SDO/BDO Thanlon in khuallian hihna tawh program uap ding a, L S Gangte Vice Principal CCpur Govt College in functional president hihna lending a, CYMA palai in returning officer hihna leen in GYMA, Manipur vaipaw ding election neiding uhi.

Simte Music Video album “Tutkhawl Zaikhiang” honna om
Lamka, Jan- 28: Khangthah Zuun Pawl(KZP) Golden Jubilee Celebration Committee saina a Simte Music Video album kibawlkhia “Tutkhawl Zaikhiang” kichi tuni sunnung dak 2.00 in Simveng a SYO Hall ah honna program om hi. Chief Guest ding Khanthang Tonsing amanlouh ziak in H.Mangchinkhup, Social Worker khuallian in pang a, aman Album hong in Rev P.Soilian in Album lan hi. Huai ah album a artists-te Mimi Renthlei, Mami Varte, H.C Sanglura, Zomuanpuii, Lawmi Khiangte leh C.Sanga te’n lasa uh a, mipi tam petmah in hall sung ah tazoulou uhi. Chief Guest H.Mangchinkhup in agenna ah tuni a Music Video Album honna lawh ching petmah ahihman in maban a KZP Golden Jubilee leng lawhching ding hi a gen in kipahhuai salua ahihdan leng gen hi. Chief Guest in KZP Golden Jubilee Celebration Committee kithuahpihna in Rs.20,000/- pia hi.

DC in office nasepdan enzui ding
Lamka, Jan-28: Miss Jacintha Lazarus, IAS, DC/CCpur in zan sunnung dak 1:00 in a office chamber ah DRDA, Revenue, FCS, Planning leh Election Deptt-te meeting neihpih a, huai ah attendence thu, file movement leh nasepdan tangpi thuhilhna nei hi’n kigen hi.Thusuak kingahdan in DC office ah DAK runner mi 6 hial om ahihdan , DC in a theihin lamdang sahial hi’n kigen a, DAk runner-te’ zatding bicycle 2 leh Revenue Deptt te zatding computer set khat leithak ding in DC in a staff-te kiangah gen chih hi. Office staff-te’n khalawh(salary) muhtheihna ding kia a nasemlou ding in DC in thuhilh a, zinglam dak 11:00 nung a office akuante innlam paikik a, absent zaw ding in theisak a, nasem peihlouhte leng kitawp(resign) zawding in theisak hi’n thusuak kingah hi.

CMO/CCpur in training hong
Lamka, Jan- 28: District Mental Health Committee saina in tuni zinglam dak 10:00 in District Hospital a Lecture Hall ah “ 3 days Mental Health Training” kichi om a, Dr.Singkhawzam Hauzel, Chief Medical Officer/Ccpur in hong hi. Huai ah Dr Gyneswar Singh, Psychiatrist/Dist Hospital leh Dr Angomacha Singh, Psychiatrist/ Bishnupur te’n sinsak uh a, training ah GNM 6 leh ANM 25 tel uhi. Huai training Jan 30, 2010 in zousiang ding uhi.

BSF te’n thaukap hun ding behlap
Lamka, Jan-28: STC BSF CCpur a training te’n January 15,2010 akipan in January 31,2010 tan zingsang dak 5.00 akipan in nitak zansawt tanpha Mission compound suahlam, Pearsonmun,Mualkoi leh Gangpimual apan simtum(south-west) lam a firing range ah long/short/grenade leh 51-mm mortar a kap(firing) uh sunzom zel ding uh a, Feb 1-15,2010 sungin leng kap lai ding uh ahihdan tuni’n thusuak om hi. Huchih hunsung in a kimnai a khua omte apan mihing kuamah huai area a valut lou ding leh ganvulh leng huaimun a lut dia kuama’n khahzanlou ding in DIG/Commandant, STC/BSF in theisak hi.

Free Medical Health Camp om ding
Lamka, Jan- 28: District Medical Mobile Unit (DMMU) leh District Blindness Control Society kithuah in Jan 29, 2010 zinglam dak 10:00 apan in Sangaikot Community Hall ah “Free Medical Health Camp” om ding hi. Huai ah Miss Jacintha Lazarus, IAS, DC/CCpur in va-uap ding a, Dr.Arke, Physician, Dr.Mani Singh, Radiologist leh Dr.T.Hartlang, DFWO te’n damlou en ding uh a, mitlam buaina neite telkhia(select) ding uh chihthu om hi.

Capt Pau leh Lt Nenei kigawm ding
Lamka, Jan-28: Captain Pausuanthang @ Pau Vaiphei s/o Upa Kaikhokam of D. Phailian leh Lieutenant (Miss) Chinghoinei @ Nenei d/o (late) Ex-Sub Ginkhojam Tungnung of Imphal saptuam dansiangthou in Feb 10,2010(Nilaini) zinglam dak 11.00 in Jubilee Church(MPCS), Compound Veng, D. Phailian ah kigawm ding uhi.

Kibawl zoute’n sum laktheih
Lamka, Jan- 28: District Family Welfare Deptt nuai a Post Partum Programme Centre ah numei leh pasal nau neilou dinga kibawl (Family Planning Method Exceptor) te’n ani mah in Dr.T.Hartlang, DFWO kiang ah sum laktheih ding hi’n kigen a, numei te’n Rs.600/- leh pasal te’n Rs.1100/- piak hiding uhi.

Commonwealth Parliamentary Assn meeting
Imphal, Jan-28: Shillong a Meghalaya Legislative Assembly Hall ah January 29,2010 in Lok Sabha Speaker Mrs Meira Kumar in ni 2 sung om ding North-eastern Regional Commonwealth ParliamentyaryAssociation meeting hong ding hi. Huai ah Sikkim leh West Bengal telin North-east state teng akipan Assembly Speaker leh Parliamentary Secretary teng kikhawm ding uh chihthu om hi. Manipur Assembly in leng helna(insurgency) in Manipur ah khantouhna lam leh economic dinmun a hihsiatdan gelhthawh in pawlut maithei chihthu kiza hi.

Pasal khat sisa in aluang kimukhia
Imphal, Jan-28: Uripok Yambem Leikai ah zan nitak dak 8.00 velin pasal khat sisa in kimu a, a sihdan suikhiak hinaikei mahleh a innkuante’n bel mi khutlum a si hidin gintakthu gen uhi. Amah K. Gopalmacha @ Inaocha(35) s/o K. Mangi of Uripok Yambem Leikai hi a,a innkuante’ gendan in nidang in damdoi(tablet) ne ngei a,kum 1 sung Rehab centre a etkol a omsa hi’n gen uhi. Zan nitaklam in cycle a potkhia sisa in aluang kimu a, alu lakah liamna leh soisakna ma om hidan in a innkuante’n gen uhi.

JAC thilphut Pensioner te’n thuap
Imphal, Jan-28: All Manipur Trade Union Council(AMTUC) leh All Manipur Govt Employees Orgn(AMGEO) kigawm Joint Administrative Council(JAC) pawl in govt ah a thilnget uh phutna in January 16,2009 akipan ceasework strike a pat uh tuni in ni 13 chingta hi. JAC thusuak danin govt nuaia deptt tamzaw leh office tamzaw ah nasem omlou in nawnkai hi’n taklang uhi. Manipur State Pensioners’ Union pawl in tuni’n Keishampat junction ah ni 1 sung an-ngawla kiphinna nei uh a, huai ah pensioner leh family pensioner tamtak tel uhi. Pensioner pawlin leng January 1,2006 akipan in 6th Pay Commission Report zuisak dingin state govt phu uhi.

Govt in Model School khat in bawlsawm
Imphal, Nov-28: Govt in Wangkhei Boys School campus ah akinlam in Model School hoihtak khat bawlkhiak sawm a,huai dingin tukum sung mahin nasep pat hiding chi’n Education Minister L. Jayentakumar in gen hi. Minister in tuni’n Sarva Shiksha Abhiyan(SSA) scheme nuai ah mitdel leh khawmu theiloute lai sinsakna dingin teacher-te govt in training a piak ding patna dia hong kawm in huai thu gen hi.

Teacher-te adia ni 20 sung training om ding ah mun tuamtuam apan teacher 50 tel uhi.

Non-Manipuri khat sisa in kimu
Imphal, Jan-28: Tuni zingsang dak 10.30 velin RIMS apan simlampang a om gate(RIMS southern gate) kiang ah Non-Manipuri 1 sisa in a luang kimu hi. Huai misi feet 5 leh inches 2 velin sang a, jacket silh hileleng khekol leh puan ginatak silh lou hi’n kigen a, Police te’n a taksa tunga soisakna leh liamna ma bangmah a omlouh ziakin khawvot thuakzoulou a si hidingin ginthu gen uhi. Huai misi kuahiam chih chet dingin Police in RIMS a morgue ah koih uhi.

Feb 7,2010 in IPPI om nawn ding
Imphal, Jan-28: January 10, 2010 a Intensified Pulse Polio Immunization(IPPI) sutzopna in Feb 7, 2010 in Manipur pumpi ah Intensified Pulse Polio Immunization(IPPI) om nawn ding a, huaini in naupang kum 5 leh anuailamte lakah zeng dalna damdoi piak hiding uhi. Huai ni in booth 3449 pansan in Health worker 13,798 leh Supervisor 690 kigawm 14,488 in naupang 3,44,980 vel zeng dalna damdoi dawnsak ding uh chihthu om hi.

Aizawl in Rail-lu amuhna ding km 20 lel in samta
Aizawl, Jan 28: Union Railway Ministry in India malsuah bial tanggam teng tanpha ah rail lutsak ding chih plan, policy leh budget abawl uh sepsuahna ding in Mizoram khawpi Aizawl tan ah a kinthei bangpen a rail lutsak ding chi ua, tulai in Assam leh Mizoram gamgi Bairabi apan Sairang tan rail lampi bawlna naktak in pailel chi uhi. Aizawl in Rail-lu (head) amuhna ding km 20 lel in samta chi uhi.

‘Mizoram State-level task force on National Railway Project’ kichi a Chairman Zasanga in agendan in, mual le guam sangpipi ngen ahihman in nasep haksa mahmah in, baihlamliai lou a, gammang thuuk taktak kawm a railway track (lampi) paisak ding chih ahihman in nasep deihbang in kin hehu lou a, ahihziak in Mizoram khawpi tuamtuam a rail a lutnang bel hun sawtlua la nawnlou ding chi hi.

Zasanga in agenbehna ah, nasepna pen lamzang mahmah mawk a, a biktakin Village Council leh mipite’ kithuahpihna manpha in thupilua chi hi. Tudan zel a nasepna in ma asawn touh zel leh rail in Mizoram a district capital tuamtuam te tawn haknawnlou ding a, gam leh leitang, mipite leh sumdawng mite’n hamphatpihta ding uh chi hi.
Mizoram Chief Minister Lal Thanhawla in leng railway nasepna phatthamching ahi chi a, organisation khenkhat in Mizoram a rail lut ding a daal uh ana hihkhial mahmah ua, tu in bel daltu omlou in nasepna paitou a, mi chih in hiai hamphatna zarzou pahta ding ahi chi hi. Tulel dinmun et in hun sawtlou nung a rail kingak theihna pahding Sairang ahihleh State capital Aizawl apan km 20 lel agamla ahi hi. Hiai railway project ahihleh 1997 kum in kipan a, ministry in Rs 519.34 crore beiding in bikhiah a, Bairabi apan Aizawl kikal ah leinuai (tunnel) mun 16 ah rail lutding in kisa hi.

Security sukhauh
Imphal, Jan 28: North East tel in India gamsung mun tuamtuam ah Pakistan pansan helpawl khenkhat in lenna pikawisawm uh chih thu om ziakin, India malsuahbial a airport om teng ah leng security sukkhauhin om chi ua, departure di te ah security checking haat diak chi uhi.

Assam Rifles Recruitment Rally
Manipur state sung Keithelmanbi ah May 16-21, 2010 sung Assam Rifles adin anuai bang semding lakna dingin Recruitment Rally om ding a, huai ah Manipur, Mizoram, Nagaland leh Tripura apan pasal(male candidates) leh ex-servicemen-te telthei ding uhi. Manipur leh Mizoram adia post bikhiahzah anuai abang hi:-
1.Manipur
Youth candidates:105 (ST 36/2)
Clk-4, PA(Steno)-1, Pharm-2,
B&R JCO -1,Elect-7,Plumber -6,
Blacksmith- 1, ORL-14, RM-6,
EFS-Lmn Fd-2, VM(MV)-4 &
Elect(MV)-2, Upholster-1,
GD/GD(Dvr)-50
Ex-Servicemen candidates: 12(ST 4)
Clk-1,Elect-1,Plumber-1,
ORL-1, RM-1,EFS-1,Lmn Fd-1
& GD/GD(Dvr)-5
2. Mizoram
Youth candidates: 104(ST 47)
Clk-4, Pharm-2, B&R JCO 1,
Elect-7,Plumber-6, Blacksmith-1,
ORL-13, RM-6,EFS-4, Lmn Fd-2,
VM(MV)-4 & Elec(MV)-2 &
GD/GD(Dvr)-7
Ex-Servicemen candidates: 12( ST 5)
Plumber-1, Elect-1, ORL-1,RM-1,
EFS-1 & GD/GD(Dvr)-7

Age: Between 18 to 23 years as on Aug 1,2010. Upper age
limit is relaxable by 5 years in respect of ST/SC candidates
Civil qualification:
General Duty –Matric pass
General Duty(Dvr)-Matric pass with civil driving licence
Operator Radio Line(ORL)-Matric with English, Maths and
Science with Physics
B&R JCO- Matric or equivalent from a recognised Board or University
and Diploma in Civil Engineering from a recognised Institution
for Brodge & Road
Personal Asst(Steno): 10+2 or equivalent from a recognised Board or University
with Short hand speed 80 workds per minute and type
writing speed 40 words per minute. Typing speed test
will be conducted on Computer.
Operation Room Asst: Matric with English, Maths and Science with Biology
Radio Mechanic: Matric with English, Maths and Science with Physics
Blacksmith: Matric or Xth class pass and Diploma/ITI certificate from recognised
institution.
Electrician:Matric or Xth class pass and possess ITI certificate in the grade
Plumber: Matric or Xth class pass and diploma in/ITI certificate from recognised
institution.
Pharmacist: Matric or equivalent & 3 years diploma in Pharmacy from a
recognised institution.
Clerk: 10+2 pass (Matric pass with English & Maths) .Typing speed 30 words per
minute in English or 25 words per minute in Hindi. Typing speed test will
be conducted on Computer.
Radio Mechanic(RM): Matric with English, Maths and Science with Physics
Vehicle Mechanic(MV): Matric with English, Maths and Science and
Diploma/ITI certificate from a recognised institute.
Electrician(MV):Matric with English, Maths & Science and Diploma/ITI
certificate from a recognised institute.
Lineman Field: Matric or Xth class pass and have ITI certificate in the grade
Electrical Fitter Signal(EFS): Matric with English, Maths & Science with
Physics
Upholster: Matric or Xth class pass and possess ITI certificate in the grade

Physical Standard:
Height: 165 mcs(ST/SC 162,5 cms)
Chest: 78-83 cms(ST/SC 76-81cms)
Physicial Efficiency Test:
a) 5 km run within 24 minutes
b) 11 feet long jump to qualify in min 3 chances
c) 3 ½ high jump to qualify in min 3 chances
d) No PET for ex-servicemen except med examination

Candidate hithei dinga call letter ngahteng May 16,2010 zingsang dak 5.00 in Keithelmanbi a Recruitment rally ah document poimawh teng tawh Presiding Officer kianga ki-report ngai ding hi. Huai dingin application system zat hiding a,application format omsa enton in demand draft Rs. 50 telin(ST/SC candidate-te adin ngeilou) March 25,2010 tan in anuaia address tunsak ngai hi.

-Directorate General Assam Rifles
Record Branch
Shillong-793011, Meghalaya State

(Detail information leh application format etton theih ding in Manipur Express office ah kitak hi).