hey ganggam te idam2 nau moGari latna leh sawpsiangna om
Posted by benj on January 26, 2010 , Print , Email , CommentCourtesy : Manipur Express
Tu zingkal in Bungmual khua a om Bethany EBCC a Baptist Youth Fellowship te’n EBCC/Bethany saptuam sung a gari pei 2 nei apan a tunglamteng a Biakinn huangsung ah kaikhawm in Pathian min in Pastor laan sak uhi. Rev ST Jamkhanthang in latna aneih zawh uh BYF member te’n tui in sawpsiangna nei ua, gari neite’n sum tam loulou thohkhawm in hunkhop mu uhi. BYF makaite’n agendan un, June 2010 in Tuailai hotdamna camp neihsawm ua, huai ding a fund raise na leng hikawm a hiai bang program asai uh hidanin gen uhi. Bethany EBCC aihhleh, Feb 2000 in bawlkhiakin om a, tulel in inn 151 om in, milip 1060 om hi. Sawm a khat pia 547 om a, Pastor (pension) leh semlel 6 nei ua, thaunilhna tang Upa 21 om in, Sunday skul naupang 285 te heutu 20 in sinsak uhi. (As on August 18 2009- BWN Silver Jubilee Magazine)
Bethany EBCC ahihleh Bungmual EBC apan inn tuankhia hi ua, saptuam kithutuak leh khangtou mahmah hi uhi. Amau lak ah gari nei pei 2 nei apan atunglam 93 tan bang om zou dia tuat hi a, tu zingkal in bel gari 70 lak paikhawm uhi.
Bungmual EBCC nuai a Baptist Youth Fellowship te’n leng kumlui May kha vel in a Biakinn uah gari pei 2 neiteng samkhawm in, Pastor N Vungzasin in thumna tawh ana laan ngeita hi. Pastor pa’n alat zawh in tuailai heututen gari sawpna nei ua, huai a asum muhte uh GBC a BYF/Bungmual Hotdamna camp neihna ah zang uhi. EBCC Bungmual nuai ah gari pei 2 nei 150 vel om in, gari pei 4 nei leh a tunglam 45 vel om a tuat ahi. Dec 1947 a phuhkhiak a om Bungmual EBC ah inn 500 vel om a, sawm a khat pia 720 leh saptuam member 2720 pm hi. Pastor 5 om a, Upa 30, sunday school naupang 657 leh sskul heutu 32 om hi. (As on August 31 2009- BWN Silver Jubilee Magazine)
