hey ganggam te idam2 nau moLamka ah Republic Day kilawm
Posted by benj on January 26, 2010 , Print , Email , Comment- K K Valte @ Dosrap
Courtesy : Manipur Express
Tuni in Lamka mawltual ah Republic Day thupitak in kilawm a, huai ah DC/CCpur Ms Jacintha Lazarus in khuallian hihna tawh uap hi. Hiai hun ah civil society leader tamtak ban ah government official te leh para military force apan in leng officer tamtak tel uhi. Lamka public ground kimkot ah mipi pumdim hi. Tutung Republic Day chi tuamna mahmah khat ahihleh ground kimkot teng ah department tuamtuam ten a thil bawlsuahte uh lahna ban ah stall tuamtuam hongkhia ua, huai in ground leng cheimawi tuan mahmah hi. DC/CCpur in athugenna ah, kum 2/3 paisa apan CCpur district in lam tuamtuam ah khantouhna thupitak ngah a, tu in centre government apan huhna MSDP/BRGF/IAY leh MGNREGS te tungtawn in i gam sung ah development hong luang lut zungzung chi hi. Maban ah kuapeuh pangkhawm in i gam uh puahni chi a, tua ban ah, CCpur kichi neuchik himahleh, i district ua pan in officer leh laisiam tamtak pawtta a, sports leh lam tuamtuam ah mi tamtak in minthanna ngahta a, khangthakte’ lak ah tamsem in ngahthei dinmun ah om lai chi hi. Bank branch thak Lamka ah hon beh hiding a, FCI godown leng Lamka mun mah ah honkhiak hiding chi’n DC’n gen hi. Literacy rate 70% bang tung a, education lam ah leng kal i suantou zel laiding uh chi hi.
