Home > Articles > The three Lals


The three Lals

Posted by benj on December 18, 2009 , Print , Email , Comment

By : Pu Thangzasiek

Ginzalal S/o H. Pumkhothang
“Chungleng vachan bawn”

Lamkholal (Lalneu) S/o Khuolgo.
“Thangvan ahsi”

Nungkholal (N.G Saknoong) S/o Thomsong.
“Gammang saron”

1. GINZALAL: Phamchangsa Pu Ginzalal hih mi zainem leh kamthiem, mi asak dingdawl chacha sa, mi lungsietna lawh zo mah mah, mingaihum ahi. A sanga lienzaw zahdan athiem a, khoimun ah umleh taklahna neilo mi ahi. Aw hoihtak ngaihnawp um mah mah pathien in apie a, alasak ngaih hin bil asutai in mi asu kipak mah mah hi.G.S.O Conference na vel leh guolnuom bawlna dang him him ah la’n mipite a awisek hi. Pu Ginzalal hih lasak thiem mai hiloin laphuok thiem le ana hi. Alaphuok laka aminthang dieka kana het haw chuh ziehaw hih ahi:-

a. Zina a kapawmzi chuh micha .
b. Chungleng vachan bawn lungdeih thimthu jailan a awi hi.
c. Kumsawt kumsawt a kadeih leh kangaih

2.LAMKHOLAL: Phamchangsa Pu. Lamkholal (Lalneu) hih lehkhathiem, pienken mawng mawng ale mifel, mi lungchangpha, lauhna him him neilo mi ahi. Pathien in talent tamtak apiek mi ahi. Bang hihleh hihtheihloh neilo khawpa mi nasa ahi. Leadership anei a, guolpawl athiem a, amel akitup a, politic athiem a, chun lasak chuh amahdin asangtaluo umlo ahi. Pu Lalneu tello hin Conference haw bang hih alimna umlo tawbang mai a ana kingai sek ahi. Zie mai chuh hiloin thingtang mite laka Radio a la anasa masa lawi ahi. Lasa thiem minthang chauh hilo in laphuokthiem minthang le ahi nalai hi. A laphuok minthang diek a kahet haw chuh ziehaw hih ahi:-

a. Suihlung helin khawvel kafang viel a.
b. Ka lungsiet sinorita.
c. Thangvan ahsi.

3 NUNGKHOLAL: Phamchangsa Pu Ng Saknoong hih mipawl thiem ngaihtuohna thutak tak neimi ahi. Mitawt thiem, thil ana umkhalo hiel haw agen lele kilawmtaka gendawkzo mi ahi. Music hih athiem a, chun alunglut mah mah hi. A guitar khawih hih angaihnawp uma micheng lunggil asutaizo sek hi. Avanglai takin Manipur thingtangmite hih amah tuka music thiem khah a um lele tamdin ka gincha puoi. Muoltinchan band ana siema, band kibawl lakah alawhting lawi ana hi. GSO vela leh guolnuom leh khawmpi ahim haw ah Pu Nungkholal hih atel lohkhak ding mipite lauhpen ahisek hi. Pu Nungkholal hi lasak leh music thiem mai ahi puoh a, laphuok le athiem hi. La thupi tak tak ana phuoka, zie laka minthang diekte chuh ziehaw hih ahi:-

a. Gammang saron.
b. Vangnei tangpa.
c. Thamuontu.
d. Krista lungsietna mak.
e. Ginna a thazak in.
f. Kei lengta ding.
g. Lungsietna huihchim.
h. Kei dia ginum in.
i. Kumkhuo henna.
j. Kapkawm in.

The three Lals katihte hin lampi chuom chuom ah minthanna anei ui. Ahin zie mun ahin kavak taklang vek khel puoi. Chavang ahung hih tieng guolnuom chuom chuom i nei sek u a, zietieng chuleh amau haw khah hetdawkin kaneisek hi. Kut, Conference, leh guolnuom chuom chuom i mat sek uhaw hitawh amin uhih akilawm kasan, avang uh ngaihum ka saksek man a ka hun zik ahi.Zaila a mipite ana puihhuoi dan uleh la leh music lama alopi zieu leh ngaihsan aumzieu kahet sun sun ka hun taklat ahi. Alulzieu leh a chanchin uhih naupang hung khangthakten ahun hetkim zawksem theihna dingun ahedeuhten hunzik leu ut-um kasai, pu editor. Kaziksuol leh ka zik dikloh insungmite kawm leh simtu cheng kawm ah ngaihdam ka hun ngen hi.

Chi leh nam thuongnungsieh tamah leuchin,
seinoguol zatamlai ahin ngilhni um puonlau,
zaila a nei awihlai uh ngilhmawh man leh
khangthakte hun muhding in na
Sakmin uh i ganggam dot
com ah kana
chuon sak
hi.

1 Comment to “The three Lals”

  1. Mr Tucker hel's says:
    December 19, 2009 at 1:15 pm

    Pu, (L) Nungkholal athih masang deuh a ESC Hq church a ZION chate la asak khah aw…kingai ngai jieng leh ka ut hi. khangthak tamtakk in ala siem ho hih halh thak nan mangleu hing tih ih ut ahi. A mau ban a ZION chate zomtu ding kuo ihiu u leh..?

Comment

You must be logged in to post a comment.